vithalacha plan

हरि ॐ‌ 

*|| श्रीगुरुचरण मास ||*

  *बाबांकडे पहात पहात |*

  *म्हणावें यांनीं होऊनि विनत |*

  *हाचि तो मूर्त पंढरीनाथ |*

  *अनाथनाथ दयाळ ||*

(श्रीसाईसच्चरित अ.४,ओ.७८ )

*प.पू.बापूंचे पितृवचन*

( १४ फेब्रुवारी २०१३ )

                "बघा आपण विठ्ठलाचं गाणं ऐकलं -

          *विठ्ठला तू वेडा कुंभार |*

          *फिरत्या चाकावरती देसी ,*   

          *मातीला आकार |*

          *विठ्ठला तू वेडा कुंभार ||*

                  मला सांगा कुंभार कुठल्या *मातीला आकार* देतो ? - *ओल्या मातीला!* म्हणजेच *ज्यात ओलावा आहे, अशा मातीला.*

               आपल्या *जीवनाला  आकार* देण्यासाठी *विठ्ठलाचा Plan* तयार असतोच.पण आपण *आधी हे मान्य केले पाहिजे की, आपण मातीचे गोळे आहोत.* आणि मग ह्या मातीच्या गोळ्याला *विठ्ठल त्याच्या Plan नुसार आकार* कधी देऊ शकेल ? तर ,तो *मातीचा गोळा भिजलेला* असेल,त्यात ओलावा असेल तेव्हाच .

                त्याचा Plan तयार असतोच.आपली जबाबदारी एवढीच की,*"आम्ही मातीचे गोळे आहोत, तू आम्हाला आकार दे " हा भाव* .तर  *मातीच्या गोळ्याचं काम* आहे ,*पाणी घट्ट धरून ठेवायचं*. म्हणजेच काय तर *'तो'* *माझ्यावर खूप खूप प्रेम करतो,* हे मनात घट्ट पकडून ठेवायचं.

                 एक एवढी महत्त्वाची गोष्ट आजपासून करायला लागा. जगामध्ये काहीही घडो,मी कितीही चुकलेला असो,मी कसाही असो ,रंग-रूप,जात-धर्म, शिक्षण-पैसा यापैकी कशाचाच फरक पडत नाही. कारण काहीही असले तरी *'तो' आणि 'त्याची आई' माझ्यावर खूप खूप प्रेम करतात.* *त्यांचे माझ्यावरचे अकारण प्रेम कधीही, जराही कमी होत नाही आणि होणार नाही.*

               बाळांनो हे मनात एकदा घट्ट पकडून ठेवलत ना की ,

 *तुमचं जीवन सुंदर व्हावं,*

 *तुमचं जीवन सुखमय व्हावं,*

 *तुमच्या जीवनात दुःख उरू नयेत,*

 म्हणून *तुमच्या देवाने तुमच्यासाठी जो प्लॅन* केलेला असतो, तो पण मग *ह्या भावनेच्या ओलाव्याने  आकार घेत सुरळीतपणे, सहजपणे घडतो.*

                   त्यामुळे विश्वास ठेवा, *'त्याचे' माझ्यावर प्रेम आहेच आणि 'त्याला' मी आवडतो.* *'त्याचा' माझ्यासाठीचा प्लॅनच बेस्ट आहे.* आणि मग असा भाव असणाऱ्या *माझ्या बाळाला , मी कधीही नावडता होऊ देणार नाही, हे माझं प्रॉमिस आहे !!"*

*हरिॐ ! श्रीराम ! अंबद्न्य ! नाथसंविध् !*